Поврзете се со нас

Уште три дена до почетокот на Пописот

 

На 1 април, поточно за три дена, во 8 часот наутро ќе започне Пописот на населението, становите и домаќинствата во земјава. Попишувањето ќе трае до 21 април, до 20 часот.

Попишувачите ќе бидат на терен секој ден од 8 до 20 часот. Доколку не ве пронајдат дома, попишувачот ќе остави белешка кога повторно ќе дојде на вашата адреса.

Првата фаза од Пописот во кој беа попишани бездомнциите, затворениците и притворените лица, дипломатите и припадниците на АРМ во странство заврши.

Попишувачите ќе користат комбиниран метод на попишување што значи теренски ќе собираат податоци и ќе ги проверуваат во десет регистри на различни институции во државава.

Конечните податоци се очекуваат во август годинава.

На апликацијата за самопопишување досега се попишани над 160 илјади лица и таа бројка секојдневно расте.

Процедурата за попишување ќе трае во просек 20 минути и ќе се спроведува во согласност со здравствените протоколи за попишување кои ги изготви Комисијата за заштита од заразни болести.

Во државава нема спроведено попис цели 19 години и ние сме единствена европска земја во која речиси две децении нема точни податоци за населението, становите и домаќинствата.

Пописот е важна статистичка операција бидејќи со податоците државата ќе може да планира идните политики: изградба на учиишта, инфраструктура, миграции, ќе може да се планираат локални развојни политики и сл.

Прилогот е подготвен со поддршка на Фондацијата Отворено општество Македонија (ФООМ). Содржината е одговорност на НВО Инфоцентарот и таа не ги одразува секогаш ставовите на ФООМ.

Фото: НВО Инфоцентар

USAID

Напомена

Оваа интернет-страница е редизајнирана со поддршка на американскиот народ преку Агенцијата на САД за меѓународен развој (УСАИД). Информациите објавени на оваа интернет - страница му припаѓаат на НВО Инфоцентарот и не ги изразуваат ставовите на Агенцијата на САД за меѓународен развој или на Владата на Соединетите Американски Држави.

NVO Infocentar