Поврзете се со нас

Пописот се одвива без проблеми, попишани над 700 илјади граѓани

Државниот завод за статистика на својата интернет страна ги објави најновите резултати од досегашниот процес на попишување. До вчера до 20 часот попишани се вкупно 711418 граѓани, 221268 домаќинства и 297085 станови.

Паралелно со Пописот во земјава, продолжува самопопишувањето на македонските граѓани кои живеат и работат во странство и тоа досега го сториле 193054 лица.

Директорот на ДЗС, Апостол Симовски, утрово изјави дека темпото на попис е подобро од очекуваното.

-Просекот е околу 100.000 граѓани на дневно ниво, вели Симовски.

Тој информира дека пописот се одржува насекаде, дека нема посебен распоред на урбани или рурални средини.

Симовски рече дека веб-страницата на ДЗС е цело време под напади, но тоа не го попречува процесот на попишување.

Пописот на населението, домаќинствата и становите завршува на 30 септември.

Прилогот е подготвен со поддршка на Фондацијата Отворено општество Македонија (ФООМ). Содржината е одговорност на НВО Инфоцентарот и таа не ги одразува секогаш ставовите на ФООМ.

USAID

Напомена

Оваа интернет-страница е редизајнирана со поддршка на американскиот народ преку Агенцијата на САД за меѓународен развој (УСАИД). Информациите објавени на оваа интернет - страница му припаѓаат на НВО Инфоцентарот и не ги изразуваат ставовите на Агенцијата на САД за меѓународен развој или на Владата на Соединетите Американски Држави.

NVO Infocentar