Поврзете се со нас

Со дебата во Тетово започна кампањата „Попис веднаш“

za webЗошто во Македонија не може да се спроведе регуларен попис и зошто тој се гледа главно низ етничката призма, беа главните прашања кои се дискутираа на денешната дебата во Тетово, насловена „Пописот е демократија, а не само етничка бројка!“.

На дебатата „ Пописот е демократија, а не само етничка бројка!“ , организирана со цел  да се поттикне јавната расправа за итно одржување на деполитизиран попис, говореа Љупчо Петковски од МЦЕО, д-р Салајдин Салиу од Државниот универзитет во Тетово, Афердита Хаџијаха Имери од регионалната организација „Лабораторија за општествени иновации“.

Афердита Хаџијаха Имери истакна дека пописот во една држава е важен бидејќи служи како основа за креирање на политиките и регулативите. Според неа, пописот не треба да се гледа низ етничката призма, туку како збир од податоци врз кои се определуваат параметрите за развој на државата.

Професорот Салиу посочи дека е неопходно да се спроведе итен попис. За него, пописот во 2011 година пропадна од политички причини. „Како и на сите проблемите, така и на проблематиката со пописот се става етнички предзнак што е во корист на политичките елити, а не е во функција на решавање на проблемите на граѓаните“, истакна Салиу.

Присутните гости на трибината побараа итно спроведување деполитизиран попис, лобирање кон институциите и јавна дебата за ова прашање.

Настанот е дел од кампањата  „Попис веднаш!“, во чии рамки ќе бидат организирани неколку дебати низ Македонија. Наредната дебата е закажана за 4 јуни 2014, во хотел Тивериопол, во Струмица.

Проектот „Пописот е демократија, а не само етничка бројка!“ го спроведуваат НВО Инфоцентар, Македонскиот центар за европско образование, Центарот за развој на медиуми и 8-ми Септември, со поддршка од Проектот на УСАИД за граѓанско општество, спроведуван од Фондацијата Отворено општество Македонија.

Донатори

USAID

FOOM

Напомена

Интернет - страницата е дел од проектот „Пописот е демократија, а не само етничка бројка!“, поддржан од Проектот на УСАИД за граѓанско општество, кој го спроведува Фондација Отворено општество Македонија.
Информациите објавени на оваа интернет - страница не се официјални информации на Владата на САД и не ги претставуваат погледите и позициите на Агенцијата на Соединетите Американски Држави за меѓународен развој (УСАИД) или на Владата на САД.

Партнери

NVO Infocentar CRM
 
8-mi Septemvri MCET