Поврзете се со нас

ПОПИС 2021: За осум дена се попишани над 400.000 граѓани


Вкупно 419 485 лица, 129 614 домаќинства и 173 439 станови се попишани во првите осум дена од пописот, објави денеска Државниот завод за статистика.

Можноста за самопопишување на лица во странство, пак, досега ја искористиле – 192 538 лица.

Пописот на населението, домаќинствата и становите во Република Северна Македонија, кој официјално започна на 5 септември ќе трае до 30 септември.

Минатата недела процесот на попишување се одвиваше со куси застои поради технички интервенции во апликацијата. Државниот завод за статистика уверува дека проблемите се надминати и пописот се одвива со предвиденото темпо.

Од ДЗС уверуваат дека до последниот ден од Пописот, 30 септември, ќе бидат попишани сите граѓани, живеалишта и станови во Република Северна Македонија.

Прилогот е подготвен со поддршка на Фондацијата Отворено општество Македонија (ФООМ). Содржината е одговорност на НВО Инфоцентарот и таа не ги одразува секогаш ставовите на ФООМ.

USAID

Напомена

Оваа интернет-страница е редизајнирана со поддршка на американскиот народ преку Агенцијата на САД за меѓународен развој (УСАИД). Информациите објавени на оваа интернет - страница му припаѓаат на НВО Инфоцентарот и не ги изразуваат ставовите на Агенцијата на САД за меѓународен развој или на Владата на Соединетите Американски Држави.

NVO Infocentar