Тестирањето на попишувачите кои треба да го реализираат Пописот 2021, во услови на глобалната епидемија од Ковид-19, ќе се одвива во училиштата и тоа, според Протоколот за заштита од заразната инфекција, на Комисијата за заразни болести.
Според Протоколот, мaксимално дозволениот број на лица во училниците е 12. Ако училниците се помали, тогаш се намалува и бројот на лица кои може да присуствуваат.
– Лицата треба да седат на растојание од 1,5 до 2 метри, односно по едно лице во клупа, во секој втор ред.
– На влезот во просторијата треба да има средство за дезинфекција со 70% алкохол.
– На секој учесник пред влезот во просторијата треба да му се измери температурата со бесконтактен термометар.
– Доколку некој попишувач има температура над 37,2 степени нема да може да влезе во просторијата.
– Попишувачите цело време додека трае тестирањети ќе мора постојано да носат заштитни маски KN95.
– Просторијата ќе мора да се проветрува за време на паузата и меѓу секоја група за тестирање.
– Пред да влезе нова група ќе мора да се направи темелно механичко чистење на просторијата.
– Меѓу секоја група ќе има пауза од најмалку еден час.
Интегралниот текст на Протоколот може да го најдете на следниов линк: https://popis2021.stat.gov.mk/Upatstva/Covi19Protokol_mk.pdf
Прилогот е подготвен со поддршка на Фондацијата Отворено општество – Македонија (ФООМ). Содржината е одговорност на НВО Инфоцентарот и таа не ги одразува секогаш ставовите на ФООМ.
