Државниот завод за статистика извести дека поради одложувањето на Пописот 2021 за септември 2021, Центарот за повици каде што може да се добијат одговори на сите прашања и да се пријават евентуални проблеми со апликацијата за самопопишување има променет режим на работа.
Телефонските броеви со Whats app и Viber конекција (+389 71/483-313 и +389 71/483-291) ќе бидат достапни секој работен ден, од 8 до 16 часот по македонско време, а во попладневните часови и во текот на викендите прашањата може да се доставуваaт на следниве меил адреси: Popis2021@stat.gov.mk , dijaspora@stat.gov.mk , press@stat.gov.mk
ДЗС извести дека прашањата ќе бидат одговорени во најкус можен рок, односно на првиот следен работен ден.
Пописот на населението, домаќинствата и становите треба да почне на петти септември.
Прилогот е подготвен со поддршка на Фондацијата Отворено општество Македонија (ФООМ). Содржината е одговорност на НВО Инфоцентарот и таа не ги одразува секогаш ставовите на ФООМ.
