Designed by Freepik / www.freepik.com /
На 5 февруари 2021 година, директорот на Државниот завод за статистика, Апостол Симовски, ја претстави Методологијата за спроведување на Пописот на населението, домаќинствата и становите. Симовски рече дека во Методологијата се содржани сите стандарди на пописот, техниките на спроведување и учесниците во пописот.
На колку прашања ќе одговараат граѓаните зависи од профилот на лицето, а ќе се прифаќаат само целосно пополнети прашалници.
За пописот ќе има најмалку 1.500 попишувачи и 50 пописни комисии.
Основната цел на пописот ќе биде да се утврди бројот на населението и неговиот територијален распоред, како и да се добијат податоци за виталните, образовните, економските, етничките, миграциските и другите белези на населението.
Електронската апликација со која ќе се врши попишувањето функционира на седум јазици: македонски, албански, турски, ромски, влашки, српски и босански.
Според последниот попис од 2002 година бројот на населението изнесуваше 2022.547 жители.
